பிப்ரவரி 23

👉 மைக்கேல் டெல் பிறந்த தினம்

---

🌷 1868ஆம் ஆண்டு பிப்ரவரி 23ஆம் தேதி ஹார்வர்ட் பல்கலைக்கழகத்தில் பிஎச்.டி பட்டம் பெற்றவர்களில் முதலாம் ஆப்பிரிக்க அமெரிக்கர் டபிள்யூ.இ.பி.டுபோய்ஸ் பிறந்தார்.

🌷 1947ஆம் ஆண்டு பிப்ரவரி 23ஆம் தேதி உலக தரநிர்ணய அமைப்பு (ISO) ஆரம்பிக்கப்பட்டது.

🌷 1855ஆம் ஆண்டு பிப்ரவரி 23ஆம் தேதி கணித உலகத்தில் மிக சிறந்தவர்களுள் ஒருவரான கார்ல் ஃப்ரெடெரிக் காஸ் (Johann Carl Friedrich Gauss) மறைந்தார்.

---

மைக்கேல் டெல்
💻 கணினி விற்பனையில் முன்னிலையில் இருக்கும் டெல் நிறுவனத்தின் தலைவர் மைக்கேல் டெல் 1965ஆம் ஆண்டு பிப்ரவரி 23ஆம் தேதி அமெரிக்காவின் ஹூஸ்டன் நகரில் பிறந்தார்.

💻 இவர் தனது தந்தை வாங்கி தந்த புது ஆப்பிள் கம்யூட்டரை தனி தனியாகப் பிரித்து, பிறகு சரியாக பொருத்தி கணினி பற்றி கற்றுக்கொண்டார்.

💻 கணினியின் வடிவமைப்பு குறித்தும், வர்த்தக ரீதியாகவும் பல விஷயங்களை அறிந்தார். டெக்சாஸ் பல்கலைக்கழகத்தில் தனது விடுதி அறையிலேயே பி.சி.லிமிடெட் என்ற பெயரில் ஒரு நிறுவனம் தொடங்கினார்.

💻 அங்கேயே, கணினியின் உதிரிபாகங்களை வாங்கி, அவற்றை பொருத்தி கணினியை உருவாக்கி விற்க ஆரம்பித்தார். அதிக லாபம் கிடைத்ததால் 19 வயதில் படிப்பை நிறுத்திவிட்டு, முழு மூச்சாக தொழிலில் இறங்கினார்.

💻 வாடிக்கையாளர்கள் எளிதில் தொடர்புக்கொண்டு தங்கள் தேவைகள், குறைகளை தெரிவிக்க தொலைபேசி, இணையம், நேரடி சந்திப்பு என பல வசதிகளை செய்து அவர்களின் தேவைகளை பூர்த்தி செய்தார்.

💻 பிறகு 1987ஆம் ஆண்டு நிறுவனத்தின் பெயரை 'டெல் கம்ப்யூட்டர் கார்ப்பரேஷன்' என மாற்றினார். 1992ஆம் ஆண்டு ஃபார்ச்சூன் இதழின் 'டாப் 500' நிறுவனங்களின் பட்டியலில் டெல் இடம்பிடித்தது. அப்போது இவருக்கு வயது 27. அந்த பட்டியலில் மிகவும் இளமையான சிஇஓ இவர்தான்.

---