மார்ச் 5

👉 கங்குபாய் ஹங்கல் பிறந்த தினம்

---

🌷 மார்ச் 5ஆம் தேதி தேசிய மரம் நடுதினம் ஈரானில் கொண்டாடப்படுகிறது.

🌷 1938ஆம் ஆண்டு மார்ச் 5ஆம் தேதி அமெரிக்க உயிரியலாளர் லின் மர்குலிஸ் பிறந்தார்.

🌷 1943ஆம் ஆண்டு மார்ச் 5ஆம் தேதி ஐரோப்பாவின் முதல் விமானமான குலோஸ்டர் மெட்டர் (Gloster Meteor) பறக்க விடப்பட்டது.

---

கங்குபாய் ஹங்கல்
🎶 தனித்துவம் வாய்ந்த குரல் வளத்தைப் பெற்ற பிரபல இந்துஸ்தானி பாடகி கங்குபாய் ஹங்கல் 1913ஆம் ஆண்டு மார்ச் 5ஆம் தேதி கர்நாடக மாநிலம் தார்வாத் நகரில் பிறந்தார்.

🎶 இந்துஸ்தானி இசை மேல் இவருக்கு இருந்த ஆர்வத்தைக் கண்ட அவரது தாய், இந்துஸ்தானி மேதை கிருஷ்ணாச்சார்யாவிடம் இசை கற்க ஏற்பாடு செய்தார்.

🎶 ஆரம்பக் கல்வி மட்டுமே கற்ற இவர், தத்தோபன்ட் தேசாய், சவாய் கந்தர்வா உள்ளிட்ட ஜாம்பவான்களிடம் இசை கற்று சிறந்த இசைக்கலைஞர் எனப் போற்றப்பட்டார். பல நகரங்களில் இந்துஸ்தானி இசைக் கச்சேரிகள் நிகழ்த்தி, நாடு முழுவதும் இவரது புகழ் பரவியது.

🎶 70 ஆண்டுகளுக்கு மேல் தொடர்ந்த இவரது இசைப் பங்களிப்பிற்காக 1962ஆம் ஆண்டு கர்நாடக சங்கீத் நிருத்யா அகாடமி விருது பெற்றார். பத்ம பூஷண், பத்ம விபூஷண், வாழ்நாள் சாதனையாளர் விருது உள்ளிட்ட ஏராளமான விருதுகளை பெற்றார்.

🎶 பெண்கள் வீட்டிலேயே அடைந்து கிடந்த காலக்கட்டத்தில், தான் சிறந்த பாடகியாக வரவேண்டும் என்ற வைராக்கியத்துடனும், பல தடைகளை எதிர்த்து கடுமையாகப் போராடி வெற்றி பெற்ற கங்குபாய் ஹங்கல் 96வது வயதில் (2009) மறைந்தார்.

---