ஜூன் 28

👉 பி.வி.நரசிம்ம ராவ் பிறந்த தினம்

---

🌷 1836ஆம் ஆண்டு ஜூன் 28ஆம் தேதி அமெரிக்காவின் நான்காவது அதிபரான ஜேம்ஸ் மேடிசன் மறைந்தார்.

🌷 1971ஆம் ஆண்டு ஜூன் 28ஆம் தேதி சென்னை மாகாண சட்டமன்ற தலைவராக இருந்த ஹச்.பி.அரி கௌடர் (H.B.Ari Gowder) மறைந்தார்.

🌷 1972ஆம் ஆண்டு ஜூன் 28ஆம் தேதி இந்திய அறிவியலாளர் பிரசந்தா சந்திர மகாலனோபிஸ் (Prasanta Chandra Mahalanobis) மறைந்தார்.

---

பி.வி.நரசிம்ம ராவ்
🌷 இந்தியாவின் முன்னாள் பிரதமரான பி.வி.நரசிம்ம ராவ் 1921ஆம் ஆண்டு ஜூன் 28ஆம் தேதி ஆந்திர பிரதேசத்தில், வாரங்கல் மாவட்டத்திலிருக்கும் லக்னேபல்லி என்ற கிராமத்தில் பிறந்தார்.

🌷 இந்திய சுதந்திரப் போராட்ட வீரரான ராவ், 1971 முதல் 1973 வரை ஆந்திரப் பிரதேச மாநிலத்தின் முதல்வராக பதவி வகித்தார்.

🌷 பின்னர் மத்திய அரசின் கீழ் வெளியுறவு அமைச்சர் (1980-1984), உள்துறை அமைச்சர்(1984), பாதுகாப்பு அமைச்சர்(1984-85), மனித வள மேம்பாட்டு அமைச்சர் (1985) போன்ற பதவிகளையும் வகித்துள்ளார்.

🌷 1991ல் ராஜீவ் காந்தி கொலை செய்யப்பட்ட பிறகு, இந்திய தேசிய காங்கிரஸ் கட்சியின் தலைவராக தேர்ந்தெடுக்கப்பட்டார்.

🌷 1991-ல் நடைபெற்ற தேர்தலில் காங்கிரஸ் கட்சி வெற்றி பெற்று ஐந்து ஆண்டுகள் பிரதமராக பதவி வகித்தார். இந்திய பொருளாதார சீர்திருத்தங்களின் தந்தையான பி.வி.நரசிம்ம ராவ் 83வது வயதில் (2004) மறைந்தார்.

---

கோப்பெர்ட் மேயர்
🌷 நோபல் பரிசு பெற்ற ஜெர்மன் இயற்பியலாளர் மரியா கோப்பெர்ட் மேயர் (Maria Goeppert Mayer) 1906ஆம் ஆண்டு ஜூன் 28ஆம் தேதி ஜெர்மனியின் ஒரு பகுதியாக விளங்கிய பிரஷ;யாவின் கட்டோவிஸ் நகரில் (தற்போதைய போலந்து) பிறந்தார்.

🌷 இவர் கோட்பாட்டு இயற்பியலில் ஆய்வுகளை மேற்கொண்டு, ஃபோட்டான்களின் (Photon) உள்ளீர்ப்பு குறித்த கோட்பாடுகளை வெளியிட்டு முனைவர் பட்டம் பெற்றார்.

🌷 பிறகு ஃபோட்டான்களின் குறுக்குப் பரப்பின் அலகு, ஜி.எம். (GM) அலகு என்று இவரது பெயரால் குறிப்பிடப்பட்டது. அணுக்கரு கூடு அமைப்பின் மாதிரியை உருவாக்கியதற்காக 1963-ல் ஜென்சன், பால் வைனர் ஆகிய இருவருடன் இணைந்து இவருக்கு இயற்பியலுக்கான நோபல் பரிசு வழங்கப்பட்டது.

🌷 பெண்களுக்கான வாய்ப்புகள் மறுக்கப்பட்ட காலக்கட்டத்திலும், விடாமுயற்சியுடன் உழைத்து, அறிவியல் உலகில் தனியிடம் பிடித்த மரியா கோப்பெர்ட் மேயர் தனது 65வது வயதில் (1972) மறைந்தார்.

---