ஜூன் 1

👉 உலக பெற்றோர் தினம்

👉 உலக பால் தினம்

---

🌷 1968ஆம் ஆண்டு ஜூன் 1ஆம் தேதி இருபதாம் நூற்றாண்டின் உலகின் மிக சிறப்புமிக்க பெண்மணியான ஹெலன் கெல்லர் மறைந்தார்.

🌷 1996ஆம் ஆண்டு ஜூன் 1ஆம் தேதி இந்தியாவின் முன்னாள் குடியரசு தலைவரான நீலம் சஞ்சீவி ரெட்டி மறைந்தார்.

🌷 1999ஆம் ஆண்டு ஜூன் 1ஆம் தேதி ஹோவர்கிராஃப்ட்டை கண்டுபிடித்த கிறிஸ்தோபர் கொக்கரல் மறைந்தார்.

🌷 1975ஆம் ஆண்டு ஜூன் 1ஆம் தேதி பளுதூக்கும் வீராங்கனையும், ஒலிம்பிக் போட்டிகளில் பதக்கம் வென்ற முதல் இந்தியப் பெண்மணியுமான கர்ணம் மல்லேஸ்வரி ஆந்திரப் பிரதேச மாநிலம் ஸ்ரீகாகுளத்தில் பிறந்தார்.

---

உலக பெற்றோர் தினம்
🌷 பெற்றோர்கள் தன்னலம் கருதாமல் தியாக உணர்வுடன், அர்ப்பணிப்புடன் தங்களது குழந்தைகளை வளர்க்கின்றனர். பெற்றோர்களின் அர்ப்பணிப்புக்கான ஒரு அடையாளமாக உலகளாவிய பெற்றோர் தினம் உலகில் அனைத்துப் பகுதிகளிலும் உள்ள பெற்றோர்களை கௌரவிக்கும் விதமாக ஐ.நா.சபை ஜூன் 1ஆம் தேதியை இத்தினத்தை பிரகடனம் செய்தது.

---

உலக பால் தினம்
🌷 உலக பால் தினம் என்பது ஐக்கிய நாடுகள் சபையின் உணவு மற்றும் வேளாண் அமைப்பினால் உலகளாவிய உணவாக இருக்கும் பாலின் முக்கியத்துவத்தை உணர்ந்து கொள்வதற்காக 2001ஆம் ஆண்டிலிருந்து ஒவ்வொரு ஆண்டும் ஜூன் 1ஆம் தேதி அனுசரிக்கப்படுகிறது.

🌷 பால் உற்பத்தியை பெருக்குதல், பால் உற்பத்தி தொடர்பான அனைத்து திட்டங்களையும் செயல்படுத்துதல் தொடர்பாக அனைத்து நாடுகளுக்கும் ஊக்கம் அளிக்கும் விதமாக இத்தினம் கடைபிடிக்கப்படுகிறது.

---

மர்லின் மன்றோ
🌷 அமரநட்சத்திரம், ஹாலிவுட்டின் ராணி மர்லின் மன்றோ 1926ஆம் ஆண்டு ஜூன் 1ஆம் தேதி அமெரிக்காவின் லாஸ் ஏஞ்சல்ஸ் நகரில் பிறந்தார். இவரின் இயற்பெயர், நார்மா ஜெனி மார்டென்சன்.

🌷 இவருக்கு 1950-ல் வெளிவந்த தி அஸ்பால்ட் ஜங்கிள்(The Asphalt Jungle), டு நாட் பாதர் டு நாக் படங்கள்(Do not Bother to Knock) புகழை தேடித் தந்தன. இவர் கோல்டன் குளோப் விருது உள்ளிட்ட ஏராளமான விருதுகளை வென்றுள்ளார்.

🌷 ஒரு நடிகையாக மட்டுமின்றி பாடகி, இயக்குநர் என பன்முகத்திறன் கொண்ட இவர் 36வது வயதில் (1962) மறைந்தார்.

---