ஏப்ரல் 7

👉 உலக சுகாதார தினம்

---

🌷 1954ஆம் ஆண்டு ஏப்ரல் 7ஆம் தேதி ஜாக்கி சான் ஹாங்காங்கில் உள்ள விக்டோரியா பீக்கில் (Victoria Peak) பிறந்தார்.

🌷 1920ஆம் ஆண்டு ஏப்ரல் 7ஆம் தேதி உலகப் புகழ்பெற்ற சிதார் இசைக்கலைஞர், பாரத ரத்னா பண்டிட் ரவிசங்கர் (Pandit Ravi Shankar) வாரணாசியில் பிறந்தார்.

🌷 1964ஆம் ஆண்டு ஏப்ரல் 7ஆம் தேதி ஐ.பி.எம்., தனது System/360 ஐ அறிவித்தது.

---

உலக சுகாதார தினம்
🌳 ஒவ்வொரு ஆண்டும் ஏப்ரல் 7ஆம் தேதி உலக சுகாதார தினம் கொண்டாடப்படுகிறது. மக்கள் அனைவருக்கும் ஆரோக்கியமான சுகாதாரம் வழங்க வேண்டும் என்பது உலக சுகாதார அமைப்பின் முக்கிய குறிக்கோளாகும்.

🌳 உலக சுகாதார அமைப்பானது ஐக்கிய நாடுகள் சபையின் ஓர் சார்பு நிறுவனம். இது 1948ஆம் ஆண்டு ஏப்ரல் 7ஆம் தேதி ஆரம்பிக்கப்பட்டது.

---

வில்லியம் வேட்ஸ்வொர்த்
🌷 உலகப் புகழ்பெற்ற கவிஞரும், கவிதையின் முன்னோடியுமான வில்லியம் வேட்ஸ்வொர்த் (William Wordsworth) 1770ஆம் ஆண்டு ஏப்ரல் 7ஆம் தேதி இங்கிலாந்தின் வடமேற்கு பகுதியில் உள்ள காக்கர்மவுத் என்ற இடத்தில் பிறந்தார்.

🌷 இவர் 1787ஆம் ஆண்டு பதினான்கு வரிப்பாடல் ஒன்றை முதன்முறையாக எழுதினார். 1793ஆம் ஆண்டு தனது கவிதைகளைத் தொகுத்து, 'ஈவ்னிங் வாக் அன்ட் டிஸ்கிரிப்டிவ் ஸ்கெட்ச்சஸ்' என்ற தலைப்பில் நூலாக வெளியிட்டார்.

🌷 மேலும் இவரது 'தி பிரிலூட்' தலைசிறந்த படைப்பாகக் கருதப்படுகிறது. அறுவடை செய்து கொண்டிருக்கும் ஒரு பெண்ணைக் குறித்த இவரது 'சாலிட்டரி ரீப்பர்' என்ற கவிதை உலகப் புகழ் வாய்ந்தது.

🌷 கவிதைகளுக்கு ஒரு புது வடிவம் கொடுத்தவரும், காலத்தை வென்ற கவிதைகள் மூலம் உலகப்புகழ் பெற்ற கவிஞராக முத்திரைப் பதித்தவருமான வில்லியம் வேட்ஸ்வொர்த் தனது 80வது வயதில் (1850) மறைந்தார்.

---